ایتا گردَکلای بو جه فرهیختگان کی رشت محلاتَ وجه تسمیه ره، توکاپره دیبید. رشت 355 تا محله داره و هه جمع میان، جه چهل‌تا محله گب بزه‌ییدی و اطلاعات علمی و زبانشناسی رد و بدل بوبو. عینکَ سل هم ایتا جه اوشان بو. ایتا نظر هن بو کی اصلن هه سل، طبیعی نیه و دس بکانده ایسه و ایجور آبیاری روش ایسه گیلان میان.
ایتا نظر هم هن بو کی عینک اصلن عینک نیه. هه سل چندین و چند سال شینه و به هه نام معروف ایسه. او وقتانم اصلن هواپیمایی ننابو کی جه هوا جوری اونا عینک مانستان بیده‌بید و نام بنابید.
ایتا نظر هن بو کی محلی مردم و عادی آدمان، کوگایان و شهران و دیهاتانَ ناما چاکودیدی. ماری زبان مانستان. نه الزامن وکیل و وزیر و حاکم و شهردار و شورای شهر. مقامات فقط تانستیدی یا تانیدی کی شهر و آبادی خرابا کونید یا آبادا کونید.
ایتا نظر هم کی ویشترَ حاضران اونه رو توافق داشتیدی، 'آینک' واژه بو بجای عینک. چون سرد زمستانان میان، آب، یخ زئیی و هه سل، آینه مانستان خودنمایی کودی.
می گومانم هه آینک دوروست ببه. ولی چی بوکونم کی شهرداری یا شورای شهر رشت، همت بوکوده و ایتا پیله عینک، مجسمه مانستان، امی هه سلَ ور نصب بوکوده. خا واقین همت بوکودیدی. اصلن امی کارگزاران شهری همه‌تانی اهل عمل ایسیدی. هچینی خوشانه وقتا، علم و نشانه شناسی و زبان شناسی و هتویم مردومَ نظرره، تلف نوکونیدی.
مردوم فقط وا رافا بئسید و خوشانه چشم امره بیدینید کی هه 'عینک' مجسمه، چقدر امی آینکَ سل ره و رشت ره، گردشگری جاذبه، ایجاد کونه و نسل اندر نسل، خوشانه نوه و نتاج ره تعریف بوکونید.
واژه نامه:
سَل: مانداب طبیعی یا دست ساز
گولاز: ادعا، افتخار
گردَکلای: دورهمی. نشست
توکاپره: گفتگو
دس بکانده: با دست کسی یا کسانی، کَنده شده.
هچینِی: بیخودی
کوگا: محله، مکان، آبادی
انتهای پیام ایتا نظر هم هن بو کی عینک اصلن عینک نیه. هه سل چندین و چند سال شینه و به هه نام معروف ایسه. او وقتانم اصلن هواپیمایی ننابو کی جه هوا جوری اونا عینک مانستان بیده‌بید و نام بنابید.
ایتا نظر هن بو کی محلی مردم و عادی آدمان، کوگایان و شهران و دیهاتانَ ناما چاکودیدی. ماری زبان مانستان. نه الزامن وکیل و وزیر و حاکم و شهردار و شورای شهر. مقامات فقط تانستیدی یا تانیدی کی شهر و آبادی خرابا کونید یا آبادا کونید.
ایتا نظر هم کی ویشترَ حاضران اونه رو توافق داشتیدی، 'آینک' واژه بو بجای عینک. چون سرد زمستانان میان، آب، یخ زئیی و هه سل، آینه مانستان خودنمایی کودی.
می گومانم هه آینک دوروست ببه. ولی چی بوکونم کی شهرداری یا شورای شهر رشت، همت بوکوده و ایتا پیله عینک، مجسمه مانستان، امی هه سلَ ور نصب بوکوده. خا واقین همت بوکودیدی. اصلن امی کارگزاران شهری همه‌تانی اهل عمل ایسیدی. هچینی خوشانه وقتا، علم و نشانه شناسی و زبان شناسی و هتویم مردومَ نظرره، تلف نوکونیدی.
مردوم فقط وا رافا بئسید و خوشانه چشم امره بیدینید کی هه 'عینک' مجسمه، چقدر امی آینکَ سل ره و رشت ره، گردشگری جاذبه، ایجاد کونه و نسل اندر نسل، خوشانه نوه و نتاج ره تعریف بوکونید.
واژه نامه:
سَل: مانداب طبیعی یا دست ساز
گولاز: ادعا، افتخار
گردَکلای: دورهمی. نشست
توکاپره: گفتگو
دس بکانده: با دست کسی یا کسانی، کَنده شده.
هچینِی: بیخودی
کوگا: محله، مکان، آبادی
کپی شد
